DBHKo Hizkuntza Mintegiaren helburua ikasle bakoitzak ebaluazio guztietan hizkuntza bakoitzeko liburu bana irakurtzea da, gutxienez. Sarritan baina, gazteek ez dituzte irakurtzeko moduko liburuak eskura; hori dela-eta jarri dugu abian egitasmo hau.
Liburutegian ze liburu dagoen eskuragarri kontsultatu dezakete azpiko loturan; irakasle arduradunari eskatuta berehala izango du liburua. Gainera, ez du bueltatzeko eperik izango; hain zuzen ere, udal liburutegian mailegatzen dutenean bueltatzeko epeak sarri presioa baino ez die eragiten eta horrekin apurtu eta irakurketa erraztea izan da helburua.